أوردرك 0 الأصناف
جعااان
يلا أوردر

اتصل بنا

تواصل مع فريق عمل فى الأكل دوت كوم

الأسئلة المتكررة

  • ايه هو فى الأكل دوت كوم ؟
    • فى الأكل دوت كوم هو موقع يقدم خدمة مجانية لطلب الأكل عن طريق الانترنت ،و هدفنا إن عملية طلب الأكل تكون عملية سهلة وسريعة والأهم إنها تكون ممتعة.

      فى الأكل دوت كوم بيقدم خدماته حاليا فى القاهرة والاسكندرية (وقريبا فى محافظات أخرى) ، وبيوفر تقديم الخدمة من حوالى 80 مطعم.
  • ليه أستخدم فى الأكل دوت كوم ؟
    • - لأنك تقدر بسهولة تتصفح منيوهات المطاعم المختلفة وتختار منها اللى يعجبك.
      - لأنك مش محتاج تحفظ أى أرقام تليفونات ، أو تنتظر وقت طويل على التليفون.
      - أخيرا ، لأنك مع كل طلب بتطلبه من فى الأكل دوت كوم ، بتجمع نقط ، هتقدر تستبدلها بهدايا مجانية متنوعة وخصومات مختلفة.

      كل جنيه بتصرفه فى الطلب اللى بتطلبه ، بتاخد نقطة مقابل ليه ، يعنى لو طلبك كان بـ 100 جنيه مثلا ، رصيدك هيكون فيه 100 نقطة وهكذا.
  • إزاى أعمل أوردر ؟
    • 1. اختار مدينتك (القاهرة مثلا) ومنطقتك (مدينة نصر مثلا) علشان تعرض المطاعم اللى بتوصل ليك.
      2. اختار مطعم من المطاعم اللى موجودة فى منطقتك.
      3. اتفرج على المنيو وضيف الحاجات اللى عايزها على الأوردر بتاعك.
      4. استلم الأوردر على العنوان اللى حددته وبالهنا والشفا ، وكمان النقط هتتضاف لرصيدك.
  • إزاى ألغى أو أعدل الأوردر بتاعى؟
    • أول ما بتعمل أوردر من خلال موقع فى الأكل دوت كوم ، بنقوم بتبليغه للمطعم مباشرة ، وفى حالة انك اكتشفت إنك محتاج تعمل أى تعديل فى الأوردر أو تلغيه ، بتبعت لنا رسالة فى أسرع وقت على الموقع من خلال الجزء الخاص بإرسال شكوى ، علشان نبلغ المطعم قبل ما يقوم بتحضير الأوردر.

      أما فى حالة انتهاء المطعم من تجهيز الأوردر أو أثناء توصيله ، بيتم توصيل الأوردر الخاص بيك على العنوان المحدد.
  • لازم أسجل علشان أعمل أوردر؟
    • تقدر تتصفح الموقع ومنيوهات المطاعم بدون ما تسجل ، لكن علشان تعمل أوردر لازم تسجل ، علشان النقط الخاصة بالأوردر تتضاف لحسابك.
  • ساعات خدمة موقع فى الأكل دوت كوم؟
    • فى الأكل دوت كوم بيقدم خدماته من الساعة 11 صباحا وحتى 12 منتصف الليل.
  • فيه أى رسوم إضافية للخدمة ؟
    • مفيش أى رسوم إضافية على الأوردر اللى بيتم من خلال الموقع.
  • إزاى أقدر أجمع نقط ؟
    • تقدر تجمع نقط فى حسابك على فى الأكل دوت كوم بـطريقتين:
      1. مع كل أوردر بتعمله من خلال الموقع بيتم إضافة نقط تساوى قيمة الأوردر ؛ يعنى مثلا لو الأوردر قيمته 100 جنيه بيتم إضافة 100 نقطة لحسابك.
      2. عن طريق انك تعمل دعوة لأصحابك على الفيسبوك ، علشان يطلبوا من فى الأكل دوت كوم ، ومع كل واحد من أصحابك يدخل على موقعنا من خلال اللينك اللى شيرته على الفيسبوك ، ويعمل أوردر هتاخد نفس عدد النقط اللى هو هياخدها مع أول أوردر له.